23 DE FEBREIRO: DÍA DE ROSALÍA DE CASTRO

O pasado 23 de febreiro celebramos o Día de Rosalía con algunhas actividades. O alumnado de Infantil deixounos unha fermosa mostra das palabras contidas nos seus versos.

E as persoas de Infantil do Equipo de Biblioteca elaboraron este precioso mural. 

E para rematar  compartimos unha fermosa versión musicada do poema de Rosalía Adiós ríos, adiós fontes cantada por Amancio Prada:

É tempo de Entroido! Mandadiño 2022

É tempo de Entroido e dende o CEIP Bergantiños comezaremos a semana cun pouco de troula...

Aquí tedes o Mandadiño deste curso 2022. 

SOLIDARIEDADE COA ILLA DA PALMA.

 Dende o CEIP Bergantiños queremos mandar todo o noso apoio e agarimo para as nenas e nenos de La Palma que por mor da explosión do volcán non poden desenvolver a súa vida cotiá con normalidade. 

 

Para iso, participamos no proxecto "UNA CARTA, UNA SONRISA", e enviarémoslles unhas cartas cheas de ilusión e aloumiños usando o máis valioso que temos: a nosa lingua. 

Velaquí tedes algún exemplo do gran traballo que fixemos!

O NOSO SAMAÍN

 

Sabías que? Malia que moitas persoas consideran o Samaín unha copia do Halloween, en relidade non é tal. O Samaín era unha festa celta que foi levada ata os Estados Unidos polos emigrantes que ata alí foron buscar fortuna.

O Samaín é noso, e temos que sentir orgullo de celebrar esta festa. Queres saber máis? Non deixes de ver o vídeo que fixemos para explicarcho todo!

Preme neste enlace! O NOSO SAMAÍN