QUEN É QUEN?

De seguro que axiña me ides recoñecer, pois nestes anos pouco teño cambiado, tanto no que respecta ao meu físico como ás actividades que levo a cabo no meu tempo de lecer.

Como vedes, dende ben pequena sempre me gustaron moito os animais e tiven a gran sorte de medrar rodeada de coellos, galiñas, porcos, cans, gatos, tartarugas, paxaros… Foi na infancia cando espertou en min o amor e o respecto pola natureza.

Todas e todos os que me coñecedes sabedes moi ben que me encanta disfrazarme. Sendo nena coma vós era moi habitual verme xogando pola casa ataviada coas máis peculiares vestimentas, incluso sen ser Samaín nin Entroido (por suposto, a miña festa preferida).

E por último, velaí tedes a fotografía que me sacaron o primeiro día que tiven unha actuación de baile galego. Hoxe, uns 28 anos despois, continuo gozando do noso folclore na Asociación Cultural Santa María de Torás.

  Xa sabes quen son?