BENVIDA PRIMAVERA!

O pasado 20 de marzo comezou a primavera. 

As circunstancias para darlle a benvida non son as mellores. Por iso pensamos esta sinxela actividade para que poidades xogar coas vosas nenas e nenos e pasar mellor o confinamento.

Trátase dun xogo de memoria. Podedes descargar e imprimir o documento pdf.

Como se xoga?

Hai que poñer todas as cartas boca abaixo. Por quendas, dáselle a volta a dúas cartas para ver se son parella de iguais. Se non o son, temos que acordarnos do lugar onde estaba para a próxima quenda e intentar atopar a parella. 

Algún consello...

• Dádelle moita cor a estas cartas de primavera!
• Para que sexan un puco máis resistentes, poden pegarse a unha cartolina ou cartón e logo recortalas. 

Agardamos que vos guste e que xoguedes moito coas cartas de primavera. 

O EDLG QUEDA NA CASA PARA LOITAR CONTRA O VIRUS.